وارانسی: لاک ڈاؤن میں سادھو سنت بے گھر

اترپردیش میں ریاستی حکومت نے 23 مارچ سے 27 مارچ تک لاک ڈاؤن کا اعلان کر دیا ہے جس میں ضلع وارانسی بھی شامل ہے۔ وارانسی میں ہزاروں کی تعداد میں سادھو سنت سڑک و عوامی گزرگاہ پر کس مپرسی کے عالم میں زندگی گزارنے پر مجبور ہیں۔

ریاست اترپردیش کے مذہبی شہر وارانسی میں کورونا وائرس کے پھیلنے سے روکنے کے لیے لاک ڈاؤن کا دوسرا دن بیشتر سڑکیں، بس اسٹاپ اور ریلویز سنسان ہیں۔ زیادہ تر لوگ اپنے گھروں میں رہ رہے ہیں لیکن دور دراز علاقوں سے آئے مسافروں و بے گھر سادھو سنت سڑکوں پر زندگی گزارنے پر مجبور ہیں۔

ایسے میں خدشہ ظاہر کیا جا رہا ہے کہ ان مسافروں اور بے گھر مذہبی رہنماؤں کے رہائش کا انتظام نہیں کیا جاتا تو ان سے بھی کثیر تعداد میں کورونا وائرس پھیل سکتا ہے۔

لاک ڈاؤن کے بیچ بہت سے سادھو سنت بے گھر ہوئے

مدھیہ پردیش سے آئے ہوئے کاشی رام نے ای ٹی وی بھارت سے بات کرتے ہوئے بتایا کی ریلوے افسران ٹرین کے معطل ہونے کے بعد سبھی مسافروں کو اسٹیشن خالی کرنے کو کہا ہے۔

انہوں نے بتایا کہ جب گنگا کے کنارے گھاٹوں پر رات گزارنے کے لیے جاتے ہیں تو وہاں سے بھی پولیس انتظامیہ بھگاتی ہے۔ ایسے میں روڈ پر ہی زندگی گزارنا پڑ رہا ہے۔

لاک ڈاؤن کے بیچ بہت سے سادھو سنت بے گھر ہوئے

سورج بابا نے بتایا کہ وارانسی میں ہزاروں کی تعداد میں اس نوعیت کے سادھو سنت اور بے گھر افراد ہیں جن کو کھانا بھی میسر نہیں ہے۔

ضلع انتظامیہ کی کوئی توجہ نہیں ہے۔ یہی وجہ ہے کی سڑکوں پر زندگی گزارنے پر مجبور ہیں۔ کرنا وائرس کے پھیلاؤ پر انہوں نے کہا کہ بھگوان ہی مالک ہے۔