جھانسی: کیمیکل چھڑکاؤ میں 40 لاکھ سے زیادہ ٹڈی ہلاک

ایران اور پاکستان سے راجستھان اور مدھیہ پردیش کے راستے ٹڈیوں کا ایک دل جھانسی میں داخل ہو گیا ہے۔

ریاست اتر پردیش کے ضلع جھانسی میں انتظامیہ نے ٹڈیوں کے ایک گروپ سے چالیس لاکھ سے زیادہ ٹڈیوں کو ہلاک کرنے کا دعوی کیا ہے۔

بتایا جا رہا ہے کہ 'ایران اور پاکستان سے راجستھان اور مدھیہ پردیش کے راستے ٹڈیوں کا ایک دل جھانسی میں داخل ہو گیا ہے۔'

پیر کے روز ڈی ایم آندرا وامسی نے کیمپ آفس میں ٹڈی دل کو قابو میں کرنے کے لئے محکمہ زراعت اور انتظامی عہدیداروں کے ساتھ میٹنگ کی۔

جھانسی: کیمیکل چھڑکاؤ میں 40 لاکھ سے زیادہ ٹڈی ہلاک

ڈی ایم نے دعوی کیا کہ 'اتوار کی رات ٹڈیوں کے دل پر کیمیکل چھڑکاؤ میں 40 لاکھ سے زیادہ ٹڈی ہلاک ہوچکی ہیں۔

انہوں نے بتایا کہ 'ایک اندازے کے مطابق ان کی تعداد تقریبا ایک کروڑ ہے۔ ضلع کے مختلف حصوں میں یہ ٹڈڈی گروپس چار دن سے پریشانی پیدا کررہی ہیں۔ کاشتکاری اور باغبانی کے لئے یہ ٹڈی دل خطرہ ہے۔'

جمعہ کی شام سے ضلع انتظامیہ نے ان پر قابو پانے کے لئے حکمت عملی تیار کرنا شروع کر دیا تھا، جس میں کیمیائی، فائر بریگیڈ اور دیگر بہت سے ذرائع شامل تھے۔

جھانسی: کیمیکل چھڑکاؤ میں 40 لاکھ سے زیادہ ٹڈی ہلاک

ڈی ایم اندرا وامسی نے کہا کہ 'مانیٹرنگ کمیٹیوں سے کہا گیا ہے کہ وہ ٹڈیوں سے متعلق معلومات کنٹرول روم کو دیں۔ ہم نے پایا کہ ٹڈیاں گرم ہوا کے قریب نہیں رکتے ہیں، یہ ٹھنڈی ہوا کے قریب رہتے ہیں۔ ہم نے دیکھا کہ بیتوا ندی کے کنارے جہاں سبزیاں اگائی جاتی ہیں وہاں ان کی سرگرمی دو دنوں میں مزید بڑھ گئی ہے۔'

ڈی ایم نے بتایا کہ 'اتوار کی رات ٹڈیوں کے دل پر کیمیائی چھڑکاؤ کیا گیا، جس کی وجہ سے چالیس لاکھ سے زیادہ ٹڈیاں ماری گئی ہیں۔'