ڈاکٹر کفیل کا ریاستی وزیر صحت کو خط

ریاست اترپردیش کے گورکھپور بی آر ڈی اسپتال کے ڈاکٹر کفیل احمد خان نے ریاستی وزیر صحت کو ایک خط ارسال کیا ہے اور ان کی بحالی جلد سے جلد کرنے کے ساتھ بقایا رقم بھی دینے کی بات کہی ہے۔

ڈاکٹر کفیل نے خط میں اس بات کا ذکر کیا ہے کہ کورٹ نے سات جون تک بقایہ رقم دینے اور ان کی بحالی کا حکم حکومت کو دیا تھا لیکن اب تک انہیں نہ بقایہ پیسے دیے گئے ہیں اور نہ ہی انہیں ان کے عہدے پر بحال کیا گیا ہے۔

واضح رہے کہ ڈاکٹر کفیل، اُس وقت سرخیوں میں آئے تھے جب گورکھپور بی آر ڈی اسپتال میں کئی ننھے بچوں کی موت آکسیجن نہیں ملنے کی وجہ سے ہوئی تھی۔