ایودھیا: مسجد تعمیر کے لیے 'آئی سی آئی سی آئی' اکاؤنٹ میں چندہ جمع کیا جائے گا

ای ٹی وی بھارت سے خاص بات چیت میں جانکاری دیتے ہوئے ٹرسٹ کے سیکریٹری و ترجمان اطہر حسین نے بتایا کہ 'آئی سی آئی سی آئی بینک اکاؤنٹ' میں مسجد تعمیر کے لیے چندہ جمع کیا جائے گا۔

ریاست اترپردش کے ضلع ایودھیا کے دھنی پور گاؤں میں جو پانچ ایکڑ زمین ملی ہے اس پر مسجد کے علاوہ دیگر مفاد عامہ تعمیر ہوں گے۔ اس کے لیے دو بینک اکاؤنٹ کھولے گئے ہیں۔ لیکن پہلے یہ طے نہیں تھا کہ کس اکاؤنٹ میں مسجد کا چندہ جمع ہوگا۔ لیکن اب یہ فیصلہ ہوگیا ہے کہ ایودھیا میں مسجد تعمیر کے لیے 'آئی سی آئی سی آئی' اکاؤنٹ میں چندہ جمع کیا جائے گا۔

انڈو اسلامک کلچرل فاونڈیشن ٹرسٹ کے سیکریٹری و ترجمان اطہر حسین نے بتایا کہ مسجد کے لیے عوامی چندہ آئی سی آئی سی آئی اکاؤنٹ میں جمع کیا جائے گا۔

ای ٹی وی بھارت سے بات چیت کے دوران ٹرسٹ کے سیکریٹری و ترجمان اطہر حسین نے بتایا کہ اکاؤنٹ آئی سی آئی سی آئی اور ایچ ڈی ایف سی بینک میں کھولے گئے ہیں۔

اطہر حسین سیکریٹری و ترجمان، انڈو اسلامک کلچرل فاونڈیشن ٹرسٹ

قابل ذکر ہے کہ انڈو اسلامک کلچرل فاونڈیشن ٹرسٹ کے ترجمان نے بتایا کہ شریعت کے مطابق سود اور شراب کی تجارت سے جمع کی گئی رقم مسجد کی تعمیر میں استعمال نہیں ہوگی۔ ایودھیا میں مسجد کے ساتھ ہی ریسرچ سینٹر، لائبریری، کمیونٹی کچن، میوزیم بھی تعمیر کیے جائیں گے۔