علی گڑھ:آج کل کی بھاگ دوڑ والی زندگی میں انسان اتنا زیادہ مصروف اور لاپروہ ہو گیا ہے کہ اس کو اپنی ہی صحت کا خیال نہیں جس کے سبب ہارٹ اٹیک جیسی جان لیوا بیماریوں میں مبتلا ہو رہا ہے۔ ہارٹ اٹیک یا دل کا دورہ اکثر لاعلمی اور بروقت دوا نہ لینے کے باعث جان لیوا ہوتا ہے۔ جان بچ بھی جائے تو دوسرے حملۂ قلب کا خطرہ ہمیشہ موجود رہتا ہے، جس سے موت واقع ہوسکتی ہے۔ اس لئے آپ کو اپنی کئی عادتوں پر قابو پاکر صحت مند طرزِ زندگی کو اوڑھنا بچھونا بنانا ہوگا۔ اس سے ہارٹ اٹیک کی نوبت نہیں آئے گی اور دوسرا یہ کہ علامات کے بارے میں جان کر آپ فوری معالج سے رجوع کرکے ادویات اور ڈائٹ شیڈول حاصل کرسکتے ہیں۔ Doctors On Heart Attack Causes And Precautions
خاص کر موسم سرما جسم کو گرم رکھنے کے لئے سبھی کا بلڈ پریشر بڑھتا ہے اسی صورت میں اگر پانی کم پییا جائے تو ہارٹ اٹیک کے امکانات زیادہ ہوجاتے ہیں اسی لئے موسم سرما میں بھی پیاس نا بھی لگے تو پانی پینا چاہیے یا پانی پینے سے اپنے آپ کو بچانا نہیں چاہئے۔ خاص کر نوجوانوں میں ہارٹ اٹیک کی شرح میں اضافہ کی وجوہات اور احتیاط سے متعلق جواہر لال نہرو میڈیکل کالج، کارڈیوتھوراسک سرجری کے صدر ماہر قلب پروفیسر محمد اعظم حسین نے بتایا آج کل کی بھاگ دوڑ کی زندگی میں خاص کر نوجوان اپنی صحت مند غذا اور ورزش پر دھیان نہیں دے رہے ہیں، نوجوانوں میں ہارٹ اٹیک کی شرح میں اضافہ کی وجہ فاسٹ فوڈ اور جسمانی غیرفعالیت (fast food and physical inactivity) ہے۔
فاسٹ فوڈ، اوئیلی کھانہ، ورزش نا کرنا، موٹاپہ، ذیابیطس اور بلڈ پریشر کی شکایت کے ساتھ جس انسان کے خاندان میں کسی بھی فرد کو دل سے متعلق بیماریاں رہی ہیں ان تمام لوگوں میں ہارٹ اٹیک کے امکانات زیادہ ہوتے ہیں اسے تمام لوگوں کو ہارٹ اٹیک سے پچنے کے لئے اپنی غذا پر دھیان دینے کی ضرورت ہے۔ پھل، سبزیوں کا زیادہ استعمال کریں اور اوئیلی کھانے سے بچے، اگر وژن زیادہ ہے تو اس کو کم کریں۔