اس دوران ایمرجنسی اورآئی سی یو کےعلاوہ تمام خدمات مکمل طور پر ٹھپ رہیں۔ ڈاکٹروں کی ہڑتال سے مریضوں کو خاصی دشواریوں کا سامنا کرنا پڑا۔
بعد میں ڈاکٹر سیکٹر -31 واقع آئی ایم اے ہاؤس سے ڈی ایم آفس گئے اور مرکزی وزیر صحت کے لیے انہیں میمورنڈم سونپا۔
نیشنل میڈیکل کمیشن بل کے خلاف ڈاکٹروں کی ہڑتال
گزشتہ دنوں لوک سبھا میں منظور ہونے والے نیشنل میڈیکل کمیشن بل (این ایم سی) کی مخالفت میں انڈین میڈیکل ایسوسی ایشن (آئی ایم اے) کے اعلان پر بدھ کو اترپردیش کے نوئیڈا کے ڈاکٹرز بھی 24 گھنٹے کی ہڑتال پر رہے۔
نیشنل میڈیکل کمیشن بل کے خلاف ڈاکٹروں کا ہڑتال
آئی ایم اے نوئیڈا کے سکریٹری ڈاکٹر سنیل اوانا نے بتایا کہ آئی ایم اے کے اعلان پر ملک گیر ہڑتال میں نوئیڈا کے بھی ڈاکٹر شامل رہے۔ انہوں نے دعوی کیا کہ نوئیڈا کے 50 ہسپتالوں کے تقریبا 700 ڈاکٹرز ہڑتال پر ہیں۔
یہ بدھ کی صبح 6 سے جمعرات کی صبح 6 بجے تک جاری رہے گی۔ انہوں نے بتایا کہ ہڑتال میں پیش نظر اوپی ڈی، پیتھالوجی سمیت تمام ٹیسٹ سینٹرز کی خدمات ٹھپ رکھی گئیں۔لیکن، انسانیت کو ذہن میں رکھتے ہوئے ایمرجنسی اور آ ئی سی یو خدمات کو ہڑتال سے الگ رکھا گیا تاکہ سنگین مریضوں کو پریشانی نہ ہو۔
ڈاکٹر سنیل اوانا نے بتایا کہ ملک بھر میں آئی ایم اے سے منسلک ڈاکٹر نیشنل میڈیکل کمیشن بل (اے ایم سی ) کے خلاف مزاحمت کر رہے ہیں۔یہ بل ڈاکٹروں کے مفادات کے خلاف ہے۔ انہوں نے بتایا کہ بل کی دفعات سے ڈاکٹروں میں ناراضگی اور برہمی ہے۔