لاک ڈاؤن کی خلاف ورزی کرنے پر سزا

ریاست اترپردیش کے رامپور میں لاک ڈاؤن کی خلاف ورزی کرنے والوں کو ضلع انتظامیہ نے سبق سکھانے کا انوکھا طریقہ اختیار کیا ہے۔ بلا ضرورت گھروں سے باہر گھوم رہے لوگوں سے اٹھک بیٹھک کرائی۔ ڈی ایم کی سزا کا ویڈیو ہوا وائرل۔

لاک ڈاؤن میں گھروں سے باہر گھومنے والوں کی اب خیر نہیں۔ رامپور میں ضلع انتظامیہ آنجنئے کمار سنگھ کسی بھی وقت نکل جاتے ہیں موٹر سائیکل پر اور ضلع کے مختلف مقامات پر گھوم کر بلا ضرورت گھروں سے باہر گھوم رہے لوگوں کی کلاس لگاتے ہیں ۔

آج رامپور کے پیلا تالاب محلہ میں جب ڈی ایم کا وہاں سے گزر ہوا تو دو لوگ بغیر ماسک لگائے گھروں سے باہر گھوم رہے تھے۔ ضلع انتظامیہ نے ان کو روک کر جو سزا سنائی تو ان ان افراد کے پیروں تلے کی زمین نکل گئی۔

دراصل ڈی ایم آنجنئے کمار نے ان دونوں کو اٹھک بیٹھک کرنے کی سزا دی۔ اس کے بعد ان کو لاک ڈاؤن کے اصولوں کی پابندی کرنے اور سختی سے اس پر عمل پیرا ہونے کی تاکید کے بعد جانے دیا۔

وہیں ڈی ایم نے باہر گھوم رہے بچوں کو بھی گھروں میں رہنے کی تاکید کی۔ جو بچے بغیر ماسک لگائے گھوم رہے تھے ان کو ماسک بھی دیے گئے۔

واضح رہے کہ ریاست میں ہفتہ اور اتوار کو مکمل طور پر لاک ڈاؤن نافذ رہتا ہے۔ یہی وجہ ہے کہ انتظامی افسران سے لیکر پولیس جوان تک تمام اہلکار ضلع بھر میں راؤنڈ لگاکر عوام سے لاک ڈاؤن پر عمل کرانے میں مصروف ہیں۔

ضلع انتظامیہ آنجنئے کمار سنگھ اپنے ویڈو پیغام کے ذریعہ عوام سے کورونا وائرس سے بچنے کے لئے ماسک پہننے کے بھی طریقے بتائے۔