رامپورمیں پانچ لاکھ سے زائد دیے روشن

ریاست اترپردیش کے ضلع رامپور میں دیوالی کے تہوار کا اہتمام پورے سرکاری اعزاز کے ساتھ کیا گیا۔ اس موقع پر اپنے طے شدہ پروگرام کے تحت ضلع کے مختلف مقامات پر چراغاں کرکے پانچ لاکھ سے زائد دیے جلاکر کر ضلع انتظامیہ اور دیگر سرکاری افسران نے مل کر دیوالی کے تہوار کا اہتمام کیا۔

دیوالی کا اہتمام رامپور میں پورے سرکاری اعزاز کے ساتھ کیا گیا۔ اس موقع پر ضلع مجسٹریٹ آنجنئے کمار سنگھ کی قیادت میں ضلع بھر کے تمام افسران نے مل کر ضلع کے مختلف مقامات پر 5 لاکھ سے زائد چراغوں کو روشن کرکے دیوالی کے تہوار کا اہتمام کیا۔

اس موقع پر رامپور کے کستوربا گاندھی پکشی وہار پارک میں ضلع انتظامیہ آنجنئے کمار سنگھ، اے ڈی ایم جگدمبا پرساد گپتا اور سی ڈی او غزل بھاردواج سمیت ضلع کے اعلیٰ افسران نے پہنچ کر چراغاں کیا۔

ای ٹی وی بھارت سے بات کرتے ہوئے ضلع مجسٹریٹ آنجنئے کمار سنگھ نے کہا کہ چھوٹی دیوالی کے موقع پر پانچ لاکھ دیئے روشن کرنے کے منصوبہ کو مکمل کیا جا رہا ہے۔

وہیں ضلع انتظامیہ نے مقامی صنعتوں کو فروغ دینے کے لئے باپو مال میں جاری دیوالی میلہ کا بھی ذکر کیا۔

قابل ذکر ہے کہ کستوربا گاندھی پکشی وہار پارک رکن پارلیمان اعظم خاں نے اپنی سماجوادی حکومت میں عوام کی سیر و تفریح کے لئے تعمیر کرایا تھا اور فی الحال ایک لمبے عرصہ سے بند چل رہا ہے۔ جس کو آج دیوالی کے موقع پر چراغاں کے لئے کھولا گیا تھا۔