بارہ بنکی: ضلع انتظامیہ کی جانب سے غریبوں میں کمبل تقسیم

ریاست اتر پردیش کے بارہ بنکی میں منگل کو انتظامیہ کی جانب سے غریب اور بے سہارا افراد میں کمبل تقسیم کئے گئے۔ نواب گنج تحصیل کے آڈیٹوریم میں ہوئی تقریب میں رکن پارلیمان اوپیندر راوت نے تحصیل کے بے سہارا اور غریب افراد میں کمبل تقسیم کر کے کمبل تقسیم مہم کا آغاز کیا۔ اب اس کے بعد تمام تحصیلوں میں کمبل تقسیم کیا جائے گا۔

ضلع مجسٹریٹ ڈاکٹر آدرش سنگھ نے بتایا کہ ہر برس کی طرح رواں برس بھی حکومت کی ہدایت پر کمبلوں کی خرید کی گئی ہے۔ غریب اور بے سہارا افراد کی نشان دہی کر کے انہیں یہ کمبل تقسیم کئے جاتے ہیں۔ رواں برس بھی تمام غریب اور بے سہارا افراد کی نشان دہی کر لی گئی ہے۔

منگل کے روز رکن پارلیمان نے 10 افراد کو کمبل تقسیم کرکے اس کا آغاز کیا۔ اس کے تحصیلوں اور بلاک سطح پر کمبل تقسیم کا کیا جائے گا۔

وہیں کمبل تقسیم تقریب کے مہمان خصوصی اوپیندر راوت نے کہا کہ رواں برس جس طرح کی سردی پڑ رہی ہے۔ اس میں غریب اور بے سہارا افراد کو سردی سے محفوظ رکھنا حکومت کی اولین ترجیحات میں سے ایک ہے۔

اس کے لئے تمام انتظامات کئے جا رہے ہیں۔ کمبل تقسیم بھی انہیں میں سے ایک ہے۔ حکومت سردی سے عوام کا تحفظ کرانے کے لئے پرعزم ہے۔