بارہ بنکی: اولڈ ایج ہوم میں گرم کپڑوں کی تقسیم

بارہ بنکی کے ماتر پتر سدن اولڈ ایج ہوم میں سماجی تنظیم 'کشیپ پچھڑا سماج ایکیکرن منچ' کی جانب سے ضرورت مندوں میں گرم کپڑے تقسیم کیے گئے۔

اتر پردیش کے بارہ بنکی کے سفیدا باد میں واقع ماتر پتر سدن اولڈ ایج ہوم میں سماجی تنظیم 'کشیپ پچھڑا سماج ایکیکرن منچ' کی جانب سے بے سہارا معمر افراد کو ان کی ضرورت کے مطابق کپڑے تقسیم کیے گئے۔ اس کے بعد ان کے لئے کھانے کا اہتمام کیا گیا۔ مدد حاصل کرنے کے بعد سبھی معمر افراد کافی خوش نظر آئے۔

واضح رہے کہ سماجی تنظیم 'کشیپ پچھڑا ایکیکرن منچ' نے یوم جمہوریہ کے موقع پر اولڈ ایج ہوم میں معمر افراد میں شال تقسیم کی تھی۔ اس وقت ان تمام بزرگوں نے تنظیم کے عہدے داران سے اپنی ضرورت کے مطابق اشیاء دینے کا مطالبہ کیا تھا۔

ان کا کہنا تھا کہ شال اور کمبل انہیں کافی زیادہ مل جاتے ہیں، اس لئے انہیں جن چیزوں کی ضرورت ہے۔ وہ چیزیں دی جائیں۔

سماجی تنظیم نے ان کی خواہشات کی قدر کرتے ہوئے انہیں کپڑے تقسیم کیے۔

اس پروگرام کے محمان خصوصی للت کلا اکادمی کے صدر درجہ حاصل وزیر سیتا رام کشیپ نے کہا کہ اس قسم کی پہل کی بہت زیادہ ضرورت ہے۔

اس سے ان بے سہارا بزرگوں کی مدد تو ہوتی ہی ہے ساتھ سماج کے دیگر لوگ بھی ان کی مدد کرنے کے لئے ترغیب حاصل کرتی ہیں۔ اس لئے ایسے پروگرام جتنا ہوں، اتنے کم ہی ہیں۔