خواتین کو خود کفیل بنانے اور ان کو تحفظ فراہم کرنے کے لیے ریاست اترپردیش حکومت کی جانب سے مشن شکتی مہم چلائی جارہی ہے۔
حکومت کے اس اہم پروگرام کے تحت ضلع گوتم بدھ نگر کے ڈسٹرکٹ مجسٹریٹ سہاس ایل وائی کی مؤثر قیادت میں 'بیٹی بچاؤ، بیٹی پڑھاؤ' اسکیم کے تحت ضلعی انتظامیہ کی جانب سے کستوربا گاندھی رہائشی اسکول دنکور کی لڑکیوں کے لیے سائیکل تقسیم کا پروگرام ترتیب دیا گیا۔
اس موقع پر انہوں نے 'بیٹی بچاؤ، بیٹی پڑھاؤ' اسکیم کے اغراض اور مقاصد کے حوالے سے جانکاری فراہم کیں۔
یہ بھی پڑھیں: نوئیڈا: بھارت بند اور چکہ جام کے پیش نظر انتظامیہ الرٹ
انہوں نے کہا کہ اس کا مقصد لڑکیوں کی ہلاکتوں کی روک تھام، لڑکیوں کی حفاظت، خوشحالی کو فروغ دینا، لڑکیوں کی تعلیم اور شرکت کو یقینی بنانا ہے۔
ڈسٹرکٹ پروبیشن آفیسر اتل کمار سونی نے بتایا کہ منظم پروگرام میں کستوربا گاندھی رہائشی اسکول دنکور کی درجہ آٹھویں کی 20 لڑکیوں میں سائیکل کی تقسیم کی گئی ہے، تاکہ لڑکیاں تعلیم سے وابستہ رہیں اور کلاس آٹھ پاس کرنے کے بعد بھی اعلیٰ تعلیم حاصل کرکے اپنا اور ضلع کا نام روشن کریں۔
اس موقع پر ڈسٹرکٹ کوآرڈینیٹر گرلز ایجوکیشن آشوتوش کمار، وارڈن مادھوی بھاٹی، اوما خانال اور خواتین بہبود کے محکمہ سے حمرا افروز اور اسکول کے دیگر اساتذہ اور لڑکیاں موجود تھیں۔