کانپور: مدارس عربیہ میں پیش آنے والے مسائل پر گفتگو

مدرسہ تعلیمی بورڈ کے چیئرمین ڈاکٹر افتخار احمد نے کہا کہ 'مدارس میں جس طرح کی بھی ضرورت درپیش ہے وہ پوری کی جائیں گی، مدارس میں پائی جانے والی جو خامیاں ہیں انہیں دور کرنے کی کوشش کی جائے گی۔'

ریاست اتر پردیش کے ضلع کانپور میں مدارس عربیہ کے تمام منیجرس اور ناظمین نے کانپور کے قلی بازار کے رائنی ہال میں ایک سیمینار کا انعقاد کیا۔ جس میں مدرسہ شکچھا پریشد کے چیئرمین ڈاکٹر افتخار احمد جاوید نے شرکت کر کے تمام لوگوں سے افہام و تفہیم کر مدارس عربیہ کو اور جدید بنانے پر گفتگو کیا۔

مدرسہ شکچھا پریشد اترپردیش کے تمام مدارس کی تعلیم کو مزید اور بہتر بنانے کے لیے اور اس کی جدید کاری کے لیے فکر مند ہے۔ مدر سہ سِکچھا پریشد کے چیئرمین ڈاکٹر افتخار احمد جاوید نے کانپور کے تمام مدارس کے منیجرس اور ناظمین سے مدارس کے مسائل پر گفتگو کی اور مدارس میں آنے والے مسائل کا حل نکالنے کی کوشش کی۔

انہوں نے مزید یقین دلایا کہ مدارس میں جس طرح کی بھی ضرورت درپیش ہے وہ پوری کی جائیں گی، مدارس میں پائی جانے والی جو خامیاں ہیں انہیں دور کرنے کی کوشش کی جائے گی۔'