لکھنؤ: درگاہ بند ہونے سے زائرین مایوس

21 ستمبر سے سرکار نے عوام کو راحت دیتے ہوئے مذہبی مقامات پر پانچ افراد کی شرط ختم کر دیا ہے، لیکن زیادہ تر عبادت گاہوں میں تالا ہی لگا رہا۔

اتر پردیش سرکار نے صوبے میں پہلے ہی لاک ڈاؤن ختم کرنے کا اعلان کر دیا تھا، لیکن مساجد میں پانچ افراد سے زیادہ نماز ادا کرنے پر پابندی عائد تھی۔

اب اس میں راحت دیتے ہوئے بڑی مساجد میں 100 لوگ شامل ہو سکتے ہیں۔ باوجود اس کے ابھی بھی ٹیلے والی مسجد اور وہاں حضرت شاہ پیر محمد کی درگاہ کے گیٹ پر تالا لگا ہوا ہے، جس وجہ سے زائرین مایوس واپس جا رہے ہیں۔

ای ٹی وی بھارت سے بات چیت کے دوران سویتا دیوی، جو موہن لال گنج سے حاضری کے لیے آتی ہیں۔ انہوں نے بتایا کہ میں یہاں پر سات برسوں سے مستقل آ رہی ہوں۔

انہوں نے بتایا کہ میری طبیعت خراب رہتی تھی، اس کے بعد سے میں بابا کی درگاہ میں حاضری کے لیے آنے لگی، تب سے مجھے بہت آرام ہے۔

سریتا نے کہا کہ لاک ڈاؤن کی وجہ سے درگاہ کے اندر جاکر زیارت نہیں کر سکتی لہذا وہ باہر گیٹ پر بیٹھ کر بابا سے دعا کرتی ہوں۔ مجھے یہاں آنے سے کافی راحت محسوس ہوتی ہے۔

کورونا وبا کے چلتے درگاہ کو بند کر دیا گیا تھا، جس وجہ سے زائرین باہر سے ہی دعا کرتے ہیں اور گیٹ پر ہی چادر، اگربتی اور دھاگا باندھ کر واپس چلے جاتے ہیں۔