نوئیڈا: لیبر رجسٹریشن کیمپ کا انعقاد

ریاست اترپردیش کے ضلع گوتم بدھ نگر میں ڈی ایم سوہاس ایل وائی نے مشن پاور کے تحت ایک میٹنگ اور لیبر رجسٹریشن کیمپ کا اہتمام کیا ۔

ضلع گوتم بدھ نگر نوئیڈا کے ضلعی کلکٹر سوہاس ایل وائی کی سربراہی میں تعمیراتی شعبہ سے وابستہ مزدوروں کے رجسٹریشن اور اسکیموں کے بارے میں معلومات فراہم کرنے کے مقصد سے میسرز شری رام برک انڈسٹری ولیج فلیڈ جیور میں مشن پاور کے تحت ایک میٹنگ اور لیبر رجسٹریشن کیمپ کا اہتمام کیا گیا۔

میٹنگ میں لیبر انفورسمنٹ افسران راج کمار اور ہنس راج سنگھ نے لیبر ایکٹ کے تحت خواتین اور مرد مزدوروں کو بلڈنگ اور دیگر تعمیراتی ورکرز ویلفیئر بورڈ کے زیر انتظام اسکیموں کے بارے میں تفصیلی معلومات فراہم کی۔

اینٹوں کے بھٹوں پر کام کرنے والے زیادہ سے زیادہ مزدور وں کے رجسٹریشن کے لئے ایک کیمپ کا انعقاد کیا گیا جس میں اس موقع پر 50 مزدوروں کو رجسٹرڈ کیا گیا۔