دیوبند: کورونا متاثرین کی تعداد میں اضافہ

ریاست اتر پردیش کے شہر سہارنپور کے دیوبند علاقہ میں کورونا وائرس کیسز میں تیزی سے اضافہ ہو رہا ہے جس کے بعد انتظامیہ کافی فکر مند ہے۔

تازہ رپورٹ کے مطابق دیوبند کوتوالی میں تعینات ایک سب انسپکٹر سمیت تین افراد کی کورونا رپورٹ مثبت آئی ہے، جس کے بعد تحصیل دیوبند میں کورونا وائرس کے فعال کیسز مجموعی تعداد 39 ہوگئی ہے۔

سی ایچ سی انچارج ڈاکٹر اندراج سنگھ نے بتایا کہ منگل کو 14 ٹیسٹ رپورٹس سامنے آئیں جن میں ایک پولیس اہلکار اور میاں بیوی کی کورونا رپورٹ مثبت آئی ہے۔

کورونا وائرس متاثرہ سب انسپکٹر جو دیوبند پولیس اسٹیشن میں تعینات ہے کا نزلہ، زکام، کھانسی، بخار کی شکایت کے بعد کورونا ٹیسٹ کیا گیا تھا جس کی رپورٹ مثبت آئی ہے، متاثرہ سب انسپکٹر دیوی کنڈ کا ساکن ہے۔

اس کے علاوہ دیگر معاملوں میں میاں بیوی کو سانس لینے میں تکلیف کی شکایت کے بعد ان کی جانچ کی گئی تھی جس میں انہیں کورونا متاثر پایا گیا۔

ان دونوں کی شناخت ڈور ٹو ڈور سروے کرنے والی ٹیم کے ذریعہ ہوئی جبکہ ان کے بیٹے کی کورونا رپورٹ پہلے ہی مثبت آچکی تھی۔

ڈاکٹر اندراج سنگھ نے بتایا کہ 'تازہ رپورٹ کے بعد تحصیل دیوبند علاقے میں معال کیسز کی تعداد 39 ہوگئی ہے جبکہ متاثرہ افراد کی مجموعی تعداد 189 ہے۔