برصغیر کا معروف دینی درسگاہ دارالعلوم دیوبند کے میڈیا ترجمان اشرف عثمانی نے ای ٹی وی بھارت سے بات کرتے ہوئے کہا کہ اسلامی نقطہ نظر سے انسانی زندگی کو بہت مقدم ہے رکھا گیا ہے۔
مذہب اسلام میں سب سے پہلے انسانی زندگی کو ترجیح اور اہمیت حاصل ہے۔ کیونکہ زندہ لوگ ہی عبادت کرتے ہیں، مردہ لوگ عبادات نہیں کر سکتے۔
اسلامی احکامات میں یہ ہے کہ جہاں وبا پھیلی ہوئی ہے اس علاقہ کے لوگ وہی رہیں۔ وہاں سے باہر نہ نکلیں۔ نہ تو خود وبا سے متاثرہ علاقوں سے باہر نکلیں اور نہ ہی باہر کے لوگ کو اس علاقہ میں داخل ہوں۔ جہاں بھی وبا پھیلی ہوئی ہے یہی اس کی احتیاط بتائی جاتی ہے۔
انہوں نے کہا کہ آج سے چودہ سو سال قبل مذہب اسلام نے اس کے بارے میں بتایا تھا اور تجویز بھی دی تھی کہ وبا سے متاثرہ علاقوں کے افراد وہی رہیں ۔۔ وہاں سے باہر نہ نکلیں۔۔ عباد ات کا معاملہ بھی یہی ہے۔
اگر ایسے حالات میں تنہا رہ کر عبادت کی جائے تو بہتر ہے ۔
