ای ٹی وی بھارت سے بات چیت کرتے ہوئے رکن اسمبلی ضیاء الرحمن برق نے کہا کہ گزشتہ دنوں میں نپور شرما نے پیغمبر محمد ﷺ پر نازیبا تبصرہ کیا تھا جس کے خلاف مسلمانوں کے مابین غم و غصہ ہے۔ ان حرکتوں سے نہ صرف ملک کی شبیہ کو داغدار کیا جاتا ہے بلکہ ریاست کا امن امان بھی خطرے میں آتا ہے، لہذا ایسے لوگوں کی نشاندہی کر کے حکومت سے مطالبہ ہے کہ وہ سخت کاروائی کرے تاکہ مذہبی جذبات کو ٹھیس پہنچانے کی کوئی جسارت نہ کرسکے۔
یوپی اسمبلی میں پیغمر محمدﷺ پرنازیبا تبصرہ کرنے والوں کے خلاف کارروائی کا مطالبہ انہوں نے کہا کہ ایسے دور میں پیغمبر محمد صلی اللہ علیہ وسلم کی شان میں گستاخی کی جا رہی ہے جب ریاست میں انوسٹر سمٹ کے لیے بین الاقوامی سرمایہ کاروں کو بھارت میں مدعو کیا گیا۔ اس طرح کے تبصرے کرنے سے بین الاقوامی سطح پر ملک اور ریاست کی غلط شبیہ جائے گی۔ جس سے نہ صرف یہ سرمایہ کار بلکہ بین الاقوامی رشتے خراب ہونے کے اندیشے ہیں۔ لہذا برسراقتدار جماعت اگر ملک سے سچی محبت اور ریاست کی تعمیر و ترقی چاہتی ہے تو مذہبی رہنماؤں کے خلاف نازیبا تبصرہ کرنے والوں پر سخت کارروائی کرے۔ مزید پڑھیں:Yogi Adityanath Speech وزیر اعلیٰ یوگی آدتیہ ناتھ کے بیان پر ڈاکٹر شفیق الرحمان برق کا ردعمل
ضیاء الرحمن نے کہا کہ یہ مسئلہ نہ صرف ریاست کے لئے بلکہ بین الااقوامی سطح پر بہت ہی سنگین ہوتا جا رہا ہے اور آئے دن مذہب اسلام کو ہدف تنقید بنایا جاتا ہے۔ انہوں نے کہا کہ حکومت سے ہمارا مطالبہ ہے کہ سوشل میڈیا کے مانیٹرنگ کے لیے ایک ڈیسک قائم کرے اور جو بھی سوشل میڈیا پر پیغمبر محمد صلی اللہ علیہ پر یا کسی بھی مذہبی رہنما پر نازیبا تبصرہ کرتا ہے، تو اس کے خلاف سخت سے سخت کاروائی کی جائے۔
