JNU Vice Chancellorجے این یو کی وائس چانسلر پر این ایس اے لگانے کا مطالبہ

بی جے پی رکن اسمبلی نند کشور گرجر جے این یو کی وائس چانسلر کے خلاف نیشنل سیکورٹی ایکٹ لگانے کا مطالبہ کیا ہے، ایم ایل اے نے پولیس کو بتایا کہ جے این یو میں ایک لیکچر کے دوران جواہر لال نہرو یونیورسٹی کی وائس چانسلر کی طرف سے ہندو دیوی دیوتاؤں کو ذاتوں میں تقسیم کرنے کی بدنیتی پر مبنی کوشش کی گئی۔ A complaint has been lodged against the Vice Chancellor of JNU

ریاست اترپردیش کے ضلع غازی آباد کے لونی سے بی جے پی کے رکن اسمبلی نند کشور گرجر نے جے این یو کی وائس چانسلر کے خلاف لونی پولیس اسٹیشن میں شکایت درج کرائی ہے۔

انہوں نے وائس چانسلر کے خلاف نیشنل سیکورٹی ایکٹ لگانے کا مطالبہ کیا ہے، ایم ایل اے نے پولیس کو بتایا کہ جے این یو میں ایک لیکچر کے دوران جواہر لال نہرو یونیورسٹی کی وائس چانسلر کی طرف سے ہندو دیوی دیوتاؤں کو ذاتوں میں تقسیم کرنے کی بدنیتی پر مبنی کوشش کی گئی۔

ایم ایل اے نے الزام لگایا ہے کہ بیان کے ذریعہ جس طرح ہندو دیوی دیوتاؤں کو ذات، اور زبان میں تقسیم کرنے کی کوشش کی گئی ہے وہ قابل اعتراض ہے۔

یہ ہندو مذہب کے اتحاد کو توڑنے کے لیے بنیاد پرست مسلم ممالک سے فنڈنگ ​​لے کر دیا گیا بیان ہے۔ اس کی اعلیٰ سطحی تحقیقات ضروری ہے۔ اس بیان پر شدید غم و غصہ پایا جاتا ہے۔

لونی کوتوالی کے ایس ایچ او اجے چودھری نے کہا کہ اس معاملے میں شکایت موصول ہوئی ہے۔ انہوں نے اعلیٰ حکام کو آگاہ کر دیا ہے۔ معاملے کی جانچ کی جا رہی ہے۔ تحقیقات کے بعد مزید کارروائی کی جائے گی۔