ملک میں کورونا وبا کے معاملے میں تیزی سے ہورہے اضافے کو دیکھتے ہوئے حکومت کی جانب سے ریاست میں نائٹ کرفیو اور ہفتے میں دو روزہ لاک ڈاؤن نفاذ کیا گیا ہے۔ اس دوران بازار اور کاروبار مکمل طور پر بند ہیں۔ اس سے عوام کو اپنے اخراجات کو پورا کرنے میں دشواریوں کا سامنا کرنا پڑ رہا ہے۔
عوام کی پریشانیوں کو دیکھتے ہوئے سماجی تنظیم یوا سیوا سمیتی کی جانب سے گذشتہ روز وزیر اعلی کے نام ڈسٹرک مجسٹریٹ کو ایک میمورنڈم پیش کیا گیا۔ میمورنڈم میں بجلی کا بل اور اسکول فیس کو معاف کرنے اور نجی اسپتالوں پر لگام لگانے کا مطالبہ کیا گیا تھا۔
اس تعلق سے تنظیم کے ذمہ داران کا کہنا ہے کورونا انفیکشن کے معاملے میں مسلسل اضافہ ہورہا ہے۔ اس کی وجہ سے سبھی کاروبار متاثر ہوئے ہیں۔ ایسے میں عوام کی پریشانیوں کا خیال رکھتے ہوئے حکومت سے ان کے مطالبات کو پورا کرنے کی بات کہی گئی۔
