دھوکہ دہی معاملے میں آئی اے ایس افسر کو معطل کرنے کا مطالبہ

آئی پی ایس امیتابھ ٹھاکر نے دھوکہ دہی معاملے میں آئی اے ایس کا نام عام کرنے اور اسے معطل کرنے کا مطالبہ کیا ہے۔

دارالحکومت لکھنؤ میں آئی پی ایس آفیسر امیتابھ ٹھاکر نے گرفتار شخص پیوش اگروال کے ساتھ 15 لاکھ روپے دینے والے آئی اے ایس افسر کا نام عام کرنے کا مطالبہ کیا ہے۔

امیتابھ نے کہا کہ اس بروکر کو گرفتار کرنا نامکمل ہے۔ انہوں نے اس آئی اے ایس افسر کا نام عام کرتے ہوئے انہیں فوری طور پر معطل کرنے اور ان کے خلاف مقدمہ درج کرنے کا مطالبہ کیا ہے۔

امیتابھ نے اس کام کے لیے دہلی میں جس شخص سے رابطہ کیا، اس کے خلاف بھی کارروائی کیے جانے کی بات کہی ہے۔