بارہ بنکی: کسانوں کو معاوضہ دینے کا مطالبہ

بارہ بنکی میں کانگریس پارٹی کے کارکنان نے کسانوں کے معاوضے کے پیش نظر ضلع انتظامیہ کو میمورنڈم سونپا۔

اتر پردیش کے بارہ بنکی میں کانگریس پارٹی نے بدھ کے روز مینتھا کسانوں کے معاوضے کے پیش نظر ضلع انتظامیہ کو ایک میمورنڈم سونپا۔

اس تعلق سے کانگریس کے ترجمان تنج پونیا نے کہا کہ گزشتہ دنوں ضلع میں ہوئے بارش سے مینتھا کی فصل مکمل طور سے خراب ہوگئی ہے، جس سے کسانوں کو بڑا نقصان ہوا ہے، یہ نقصان اس قدر ہے کہ کسان خودکشی کرنے کو مجبور ہیں۔

انہوں نے بتایا کہ بارش سے فصل برباد ہونے کے باعث کرسی علاقے میں ایک کسان نے خودکشی کر بھی لی ہے، اس لئے حکومت مینتھا کسانوں کو معاوضہ دے تاکہ کسانوں کو راحت مل سکے۔