وکاس دوبےکے انکاؤنٹر کی سی بی آئی جانچ کا مطالبہ

ریاست اترپردیش کے دارالحکومت لکھنؤ کی ہندو تنظیموں کی جانب سے وکاس دوبے کے انکاؤنٹر پر غم و غصہ کا اظہار کیا جا رہا ہے۔

ہندو سماج پارٹی نے ریاست کی بی جے پی حکومت پر سخت نکتہ چینی کی ہے۔

ہندو سماج پارٹی کے قومی جنرل سکریٹری راجیش منی ترپاٹھی نے الزام لگایا کہ کانپور میں پولیس اہلکاروں کی وحشیانہ قتل اور وکاس دوبے کے انکاؤنٹر کی سی بی آئی تحقیقات ہونی چاہئے۔

وکاس دوبے پولیس کی تحویل میں انکاونٹر کے دوران ہلاک ہوا۔اس کو لے کر تمام سیاسی جماعتوں نے حکومت کا محاصرہ شروع کردیا ہے۔

راجیش منی ترپاٹھی نے بی جے پی حکومت پر سنگین الزامات عائد کیے ہیں۔

انہوں نے کہا کہ بی جے پی حکومت کے کہنے پر وکاس دوبے کو ہلاک کیا گیا ہے۔

انھوں نے یہ بھی کہا کہ کانپور میں 8 پولیس اہلکاروں کے قتل میں بی جے پی حکومت کا وزیر یا رہنما یقینی طور پر ملوث ہے۔

وکاس دوبے اور بی جے پی کے تعلقات کو ہر کوئی جانتا ہے۔اس پورے معاملے کی تفتیش سی بی آئی کو کرنی چاہئے۔

اس میں ملوث تمام لوگوں کی تفتیش سی بی آئی سے کرنی چاہئے۔

انہوں نے کہا اس کے لیے وہ صدر جمہوریہ ہند اور ریاست کے گورنر کو خط لکھیں گے۔

اگر ضرورت پیش آئے تو دھرنا مظاہرہ بھی کیا جائے گا۔