دہلی: پانی کی قلت سے عوام پریشان

قومی دارالحکومت دہلی کے اتم نگر کی جے جے کالونی میں پینے کے پانی کی کمی سے پریشان خواتین نے دہلی حکومت کے خلاف نعرے بازی کی۔ مقامی لوگوں کا کہنا ہے کہ پچھلے دو ماہ سے پینے کے پانی کی قلت ہے اور حلقے کے رکن اسمبلی گلاب سنگھ مسائل سے چشم پوشی کر رہے ہیں.

مقامی لوگوں نے الزام عائد کیا کہ جے ای اور جل بورڈ کے دیگر عہدیدار نہ تو ہمارا فون اٹھاتے ہیں اور نہ ہی علاقے میں آکر لوگوں کی پریشانیوں اور مشکلات کا جائزہ لیتے ہیں۔

اتم نگر جے جے کالونی کے عوام اب حکومت تک اپنی آواز پہنچانے کے لئے سڑکوں پر نکلنا چاہتے ہیں تاکہ پیاس بجھانے کے لئے انہیں پانی مل سکے۔
لوگوں کا کہنا ہے کہ اگر وہ کورونا سے بچ بھی گئے تو وہ پیاس اور پانی کی قلت سے مر جائیں گے۔

کالونی کے لوگوں کا کہنا ہے کہ اگر اب پینے کا پانی دستیاب نہیں ہوا سماجی فاصلے ہم پر عمل کرنا چھوڑ دیں گے ۔ تحریک اور احتجاج شروع کر دیں گے۔