میرٹھ: بازار میں ماسک اور ہینڈ سینیٹائزرس کی خریداری میں کمی

ملک میں کورونا وائرس کے باعث لوگ اس کے انفیکشن سے بچنے کے لیے ماسک اور ہینڈ سینیٹائزرس کا استعمال کر رہے تھے اور بازاروں میں بھی اس کی خریداری میں غیر معمولی اضافہ دیکھا جارہا تھا، لیکن لاک ڈاون میں نرمی کے بعد اب لوگ احتیاط برتنے میں لاپرواہ نظر آ رہے ہیں جس کی وجہ سے بازار میں ماسک اور ہینڈ سینیٹائزرس کی خریداری میں کمی دیکھی جا رہی ہے۔

ریاست اترپردیش کے ضلع میرٹھ میں کورونا انفیکشن کے مریضوں کی تعداد میں مسلسل اضافہ ہو رہا ہے لیکن عوام میں اس سے احتیاط کو لیکر لاپروائی بھی دیکھی جا رہی ہے، جس کی وجہ سے بازاروں میں ماسک اور ہینڈ سینیٹائزرس کی خریداری بھی دس فیصد ہی رہ گئی ہے۔

کورونا کے انفیکشن سے احتیاط برتنے میں جہاں عوام لاپرواہ نظر آ رہی ہے۔ وہیں چھوٹے دکاندار بھی بغیر ماسک لگائے اس کو فروخت کر رہے ہیں حالانکہ ایسے دکانداروں کو مزید احتیاط کی ضرورت ہے لیکن وہ بھی اس خطرے سے ناواقف نظر آتے ہیں۔

حکومت کی گائڈ لائن اور انتظامیہ کی سختی سے عوام ماسک اور سینی ٹایزرس کا استعمال تو کر رہی ہے لیکن معمول زندگی میں اس کے استعمال سے گریز کر وہ اس مہلک بیماری سے بے خبر ہے، ضرورت اس بات کی ہے کہ ہر ممکن احتیاط برتنے کی کوشش کی جائے تبھی ہم اس بیماری کو شکست دے سکتے ہیں۔