ایکوا لائن میٹرو کو آج سے پورے دن چلانے کا فیصلہ

ایکوا لائن میٹرو پر زبردست بھیڑ کو دیکھتے ہوئے این ایم آر سی (نوئیڈا میٹرو ریل کارپوریشن) نے آج سے ایکوا لائن میٹرو کا مکمل آپریشن شروع کر دیا ہے۔

این ایم آر سی کی ایم ڈی ریتو مہیشوری نے کہا کہ مسافروں کی بڑھتی تعداد کو دیکھتے ہوئے یہ فیصلہ لیا گیا ہے۔

اس دوران آپریشنوں کا وہی نظام نافذ ہو گا جو لاک ڈاؤن سے پہلے تھا۔ یعنی اب میٹرو دن بھر چلے گی۔

میٹرو پیر سے ہفتہ تک صبح 6 بجے سے رات 10 بجے تک چلائی جائے گی۔ سروس اتوار کی صبح 8 بجے شروع ہوگی اور آخری میٹرو رات 10 بجے دستیاب ہوگی۔

میٹرو ٹرین کی ہر راؤنڈ یعنی پھیرے کے بعد صفائی کی جائے گی۔ پیک آور یعنی صبح 8 بجے سے 11 بجے تک اور شام کو 5 بجے سے 8 بجے تک چلے گی۔

دیگر اوقات میں یہ وقفہ 10 منٹ کا ہوگا۔ یہ انتظام پیر سے جمعہ تک ہوگا۔ ہفتہ اور اتوار کو 15-15 منٹ کے وقفے سے میٹرو دستیاب ہو گی۔ کنٹینمینٹ زون میں نہ ہی میٹرو رکے گی اور نہ وہاں پارکنگ کا انتظام ہو گا۔