اے ایم یو کو کھولنے پر فیصلہ آج

یونیورسٹی میں تقریبا ایک مہینے سے مستقل علی گڑھ انتظامیہ نے آر اے ایف اور پی ایس سی کو تعینات کیا ہوا ہے، آج فورس نے یونیورسٹی کیمپس میں فلیگ مارچ کیا۔

ریاست اترپردیش میں واقع علی گڑھ مسلم یونیورسٹی میں طلبا باب سر سید کے سامنے پچھلے 23 دنوں سے مستقل سی اے اے، این آر سی اور این پی آر کے خلاف احتجاج کر رہے ہیں۔

آج علی گڑھ مسلم یونیورسٹی میں دو اہم میٹنگ ہو رہی ہیں، جس میں ایک یونیورسٹی انتظامیہ کی اور دوسری ای سی ممبر کی، مانا یہ جا رہا ہے کہ آج یونیورسٹی انتظامیہ فیصلہ لے گی یونیورسٹی کب اور کیسے کھلے گی۔

یونیورسٹی میں تقریبا ایک مہینے سے مستقل علی گڑھ انتظامیہ نے آر اے ایف اور پی ایس سی کو تعینات کیا ہوا ہے، آج فورس نے یونیورسٹی کیمپس میں فلیگ مارچ کیا۔

بتا دیں کہ ضلع علی گڑھ کے ایس ایس پی آکاش کلہری نے کہا کہ یونیورسٹی کے طلبہ پرامن احتجاج کر رہے ہیں اور انہوں نے یقین دلایا ہے کہ پرامن احتجاج جاری رہے گا اور کسی بھی طرح کا تشدد نہیں کریں گے۔

ایس ایس پی نے مزید کہا کہ ہم نے یونیورسٹی کے آس پاس پولیس تعینات کر دی ہے تاکہ شرپسند عناصر کسی طرح کا تشدد نہ کر سکیں۔