ریاست اترپردیش کے ضلع میرٹھ میں مکمل ہوئے پنچایت الیکشن کے دوران پردھان امیدواروں کے ذریعے گاؤں میں تقسیم کی گئی شراب سے تین لوگوں کی موت کے بعد گاؤں میں ڈر کا ماحول پیدا ہوگیا ہے۔
پولیس پردھان امیدواروں کو گرفتار کر کے اموات کی وجہ جاننے کی کوشش کر رہی ہے۔
میرٹھ کے تھانہ انچولی کے سادھارن پور گاؤں میں ایک ساتھ تین اموات ہونے سے ڈر کا ماحول ہے۔ جانکاری کے مطابق پنچایت الیکشن کے دوران پردھان امیدواروں کی جانب سے گاؤں میں تقسیم کی گئی شراب کو موت کی وجہ بتایا جا رہا ہے۔
پورے معاملے کی سنجیدگی کو دیکھتے ہوئے میرٹھ پولیس نے گاؤں میں دونوں پردھان امیدواروں کو گرفتار کر کے معاملے کی تفتیش شروع کردی ہے۔
میرٹھ میں ایک طرف جہاں کورونا کا قہر جاری ہے۔ ایسے میں پنچایت انتخابات کے دوران بانٹی گئی شراب انتظامیہ کی سختی کو بیان کرتی ہے۔ اس طرح کی لاپروائی برتنے والے لوگوں پر سخت لگام لگانے کی ضرورت ہے۔
