کورونا وائرس سے سبزی فروش کی موت - death toll from Corona in the state reached 128
لکھنؤ میں بلرام پور ہسپتال میں زیرعلاج آج ایک سبزی فروش کی کورونا سے موت ہو گئی، اس کے بعد ریاست میں کورونا سے مرنے والوں کی تعداد بڑھ کر 128 ہو گئی ہے۔
کورونا وائرس سے سبزی فروش کی موت
ریاست اترپردیش کی دارالحکومت لکھنؤ میں آج بلرام پور ہسپتال میں زیر علاج ایک سبزی فروش کی کورونا سے موت ہو گئی، اس کے بعد ریاست میں کورونا سے مرنے والوں کی تعداد بڑھ کر 128 ہو گئی ہے۔
اطلاعات کے مطابق سبزی فروش شہر کے مولوی گنج کا رہائشی تھا۔ جو گزشتہ کئی روز سے ہسپتال میں منتقل تھا۔ مریض کی موت کے بعد بلرام پور ہسپتال کی ایمرجنسی وارڈ کو بند کر دیا گیا ہے، وہیں ہلاک شدہ شخص کے اہل خانہ کے تمام افراد کا نمونہ لے کر کورونا ٹیسٹ کے لئے بھیجا گیا ہے ۔
واضح رہے کہ لکھنؤ میں اس سے قبل بھی ایک بزرگ کی کورونا سے موت ہوئی تھی، انہیں تدفین کے لیے قبرستان لے جایا گیا، جہاں موجود قرب و جوار کے لوگوں نے وہاں دفنانے سے منع کر دیا تھا، اس کے بعد ان کی تدفین رات میں ہی دوسرے قبرستان میں کی گئی تھی۔