جراثیم کش دوا کے اسپرے کرنے سے سائیکل مستری کی موت

ریاست اترپردیش کے ضلع رامپور کی سوار تحصیل میں جراثیم کش دوا کا اسپرے کرنے سے ایک سائیکل مستری کی موت ہو گئی۔ ہلاک ہوئے شخص کے اہل خانہ کا رو رو کر برا حال ہے۔

رامپور کے تھانہ سوار علاقہ میں جراثیم کش دوا کا اسپرے کرنے سے سائیکل مستری کی موت ہوگئی۔ اطلاع کے مطابق مطابق تھانہ سوار علاقہ کے اسلام نگر کے ساکن علی احمد ولد عالمین مسواسی میں سائیکل مرمت کی دکان چلاتا تھا۔

پانچ دن قبل علی احمد مزدور کو ساتھ لے کر اپنے دھان کے کھیت میں جراثیم کش دوا کا چھڑکاؤ کرانے گیا تھا۔ دوا کا گھول بناتے وقت زہریلی دوا اس کے دماغ پر اثر کر گئی، جس سے وہ بے ہوش ہوگیا۔

علی احمد پانچ دن سے ڈاکٹر کے یہاں علاج چل رہا تھا، بعد میں اس کے اہل خانہ اسے اترا کھنڈ کے کاشی پور علاج کے لیے لے گیے تھے جہاں آج اس کی علاج کے دوران موت ہوگئی۔