قبر کھود کر لاش باہر نکالی گئی

گونڈہ میں دفن کی گئی خاتون کی لاش کو اس لیے قبر سے باہر نکالا گیا کیوں کہ خاتون کے گھر والوں کو اس کے شوہر پر شک تھا۔

ریاست اترپردیش میں ضلع گونڈہ کے تھانہ کٹرہ بازار کے تحت واقع گوڈوا گاؤں کے علاقے میں ایک خاتون کی لاش کو ضلع مجسٹریٹ کے حکم پر پولیس نے قبر کھود کر باہر نکالا۔

بتایا جارہا ہے کہ خاتون کی سسرال میں ایک ہفتہ قبل مشتبہ حالات میں موت ہوگئی تھی۔

خیال رہے کہ اس جوڑے کی شادی کچھ برس قبل ہوئی تھی، اور دونوں میں کچھ نا اتفاقیاں تھیں۔

دوسری جانب خاتون کے اہل خانہ کا الزام ہے کہ شادی شدہ خاتون کو قتل کرکے بغیر کسی اطلاع کے دفن کردیا گیا، جس کی شکایت خاتون کے والد نے جنتا دربار میں کی۔

اس شکایت کے بعد ضلع مجسٹریٹ نے لاش کو قبر سے باہر نکلواکر پوسٹ پارٹم کے لیے بھیج دیا گیا۔

اس کیس میں مزید تفصیلات کا انتظار ہے۔