بجنور: ندی سے نوجوان کی لاش برآمد

اترپردیش کے ضلع بجنور میں کے علاقے ترکولی میں گزشتہ روز ایک نوجوان سڑک سے متصل گنگا ندی میں ڈوب کر ہلاک ہوگیا تھا جس کی لاش آج ندی سے برآمد کرلی گئی ہے۔

ترکولی گاؤں کا رہنے والا شخص دلشاد جو گزشتہ روز موٹر سائیکل کے ذریعہ اپنے کسی رشتہ دار کے یہاں جارہا تھا لیکن موٹر سائیکل کی تیز رفتاری کے سبب وہ وہ خود پر قابو نہ کرسکا اور سڑک سے متصل گگن ندی میں جاگرا۔

گنگا ندی میں گر کر چوٹ لگنے اور رات کی تاریکی ہونے کے سبب دلشاد ندی سے باہر نہ نکل سکا اور وہ ڈوب کر ہلاک ہوگیا۔ صبح کے وقت مقامی لوگوں نے جب دلشاد کی تیرتی لاش دیکھی تو انھوں نے اس کی اطلاع مقامی پولیس کو دی اور پھر لاش کو باہر نکالا گیا۔

پولیس نے لاش کو پوسٹ مارٹم کے لیے بھیجنے سے قبل ہی اس کی شناخت کرلی تھی اور پھر اس تعلق سے آگے کی کارروائی عمل میں لائی گئی۔