نوئیڈا: ماں کی موت کے اگلے ہی دن بیٹی مردہ حالت میں ملی

ماں کے مرنے کے دوسرے ہی دن 61 سالہ خاتون اپنے ہی گھر میں مردہ حالت میں پائی گئیں۔ پولیس کے مطابق ماں کے انتقال کے باعث خاتون ذہنی تناؤ میں تھیں۔ پولیس نے وجوہات جاننے کے لیے لاش کو پوسٹ مارٹم کے لیے بھیج دیا۔

اترپردیش نوئیڈا سیکٹر 20 تھانہ کے تحت سیکٹر 19 میں ایک دل دہلا دینے والا واقعہ پیش آیا۔

اپنی والدہ کی موت کے ایک دن بعد ہی بیٹی بھی دنیائے فانی سے کوچ کر گئی۔ ماں کے مرنے کے دوسرے ہی دن 61 سالہ خاتون اپنے ہی گھر میں مردہ حالت میں پائی گئی۔پولیس کے مطابق ماں کے انتقال کے باعث خاتون ذہنی تناؤ میں تھیں۔ پولیس نے وجوہات جاننے کے لیے لاش کو پوسٹ مارٹم کے لیے بھیج دیا۔

پولیس کے مطابق سیکٹر 19 سی بلاک میں رہنے والی مدھو گولانی کی لاش ان کے گھر میں ملی۔موت کی وجہ معلوم نہیں ہو سکی ہے ۔ پولیس کا کہنا ہے کہ پوسٹ مارٹم رپورٹ آنے کے بعد ہی کسی نتیجے پر پہنچا جا سکتا ہے ۔خاتون بیوہ تھیں ۔ایک دن قبل ہی ان کی والدہ کا انتقال ہوا ہے جس سے وہ شدید ذہنی تناؤ میں تھیں۔