دال منڈی بازار میں کھجور کے کاروباری محمد الطاف نے ای ٹی وی بھارت سے بات کرتے ہوئے بتایا کہ رواں برس لاک ڈاؤن کی وجہ سے کاروبار کافی متاثر ہوئے ہیں۔
انہوں نے کہا کہ دال منڈی بنارس کی سب سے بڑی بازار ہے، جہا تھوک اور ریٹیل دونوں کاروبار بڑے پیمانے پر ہوتا ہے۔ رمضان المبارک کے موقع پر خریداروں کی سخت بھیڑ ہوتی ہے۔
انہوں نے کہا کہ دال منڈی میں نہ صرف بنارس سے بلکہ مشرقی اتر پردیش کے بیشتر اضلاع سے لوگ خریداری کے لیے آتے ہیں۔
رمضان المبارک میں کھجور کے بڑے بڑے کاروباری بھی بنارس سے لے جاتے ہیں اور کاروبار کرتے ہیں، لیکن اس بار نصف رمضان ختم ہوچکا ہے ساتھ ہی لاک ڈاؤن ہے، جس کی وجہ سے صرف علاقائی لوگوں کو ہی کھجور پہنچایا جا سکا۔ بڑے کھجور کے کاروباریوں کو شدید نقصان ہوا ہے۔