موہن بھاگوت کے بیان کا دارالعلوم دیوبند نے کیا خیر مقدم

ماب لنچنگ کو لیکر آر ایس ایس چیف موہن بھاگوت کے بیان کا ممتاز دینی درسگاہ دارالعلوم دیوبند کے مہتمم مفتی ابوالقاسم نعمانی نے خیر مقدم کیاہے- ساتھ ہی انہوں نے موہن بھاگوت کو سخت قانون بنانے کی بھی مانگ کرنے کے لیے کہا ہے۔

ماب لنچنگ کو لیکر آر ایس ایس چیف موہن بھاگوت کے بیان کا ممتاز دینی درسگاہ دارالعلوم دیوبند کے مہتمم مفتی ابوالقاسم نعمانی نے خیر مقدم کیاہے-

لیکن اس کے ساتھ ہی انہوں نے یہ بھی کہا کہ موہن بھاگوت کو سخت قانون بنانے کی بھی مانگ کرنی چاہئے۔

تاکہ ملک میں پھیل رہے ماب لنچنگ کا یہ سلسلہ ختم ہوسکے۔ یہ پہلا موقع ہے جب آر ایس ایس چیف کے کسی بیان کا دارالعلوم دیوبند نے خیر مقدم کیاہے۔

آج اپنے ایک بیان عظیم دینی دانش گاہ دارالعلوم دیوبند کے مہتمم مفتی ابوالقاسم نعمانی نے آر ایس ایس چیف موہن بھاگوت کے بیان پر کہاکہ موہن بھاگوت کے بیان کا خیر مقدم کیاجانا چاہئے۔

موہن بھاگوت کے بیان کا دارالعلوم دیوبند نے کیا خیر مقدم

لیکن ان کا یہ بیان کافی نہیں ہے، کیونکہ انہوں نے خود ماب لنچنک کے سلسلہ میں کوئی رائے نہیںدی ہے۔

مہتمم مفتی ابوالقاسم نعمانی نے کہاکہ موہن بھاگوت کو اس کی سخت الفاظ میں مذمت کرنی چاہئے اور اس کو روکنے کے لئے سخت قانون بنانے کی مانگ کرنی چاہئے, تاکہ یہ سلسلہ بند ہوسکے۔

انہوں نے کہاکہ اتنا کافی نہیں کہ آر ایس ایس کے لوگ اگر اس میں شامل ہونگے تو انہیں تنظیم سے باہر نکال دیا جائیگا۔

بلکہ ان کے خلاف ٹھوس قانونی کارروائی کے لئے قانون بنانے کی مانگ بھی کی جانی چاہئے۔

انہوں نے کہاکہ یہ خوشی کی بات ہے کہ موہن بھاگوت نے اس سلسلہ میں بات کی۔

واضح رہے کہ گزشتہ روز بین الاقوامی میڈیا سے بات چیت کرتے ہوئے موہن بھاگوت نے کہا تھاکہ آر ایس ایس صرف ماب لنچنگ کا ہی نہیں بلکہ ہر طرح کے تشد د کے خلاف ہے۔

اگر کوئی آر ایس ایس رکن لنچنگ میں مجرم پایا جاتاہے تو اس کو سنگَھ سے باہر نکال دیاجائیگا۔

وہیں بھاگوت کے اس بیان کو گزشتہ دنوں جمعیة علماءہند کے قومی صدر مولانا سید ارشد مدنی سے ہوئی ملاقات سے بھی جوڑ کر دیکھاجارہاہے۔

بتایا جارہاہے کہ دونوں کے درمیان ماب لنچنگ،کشمیر اور این آرسی جیسے مدعووں پر بات ہوئی تھی۔