علی گڑھ میں سیلاب کا خطرہ

ریاست اترپردیش کے ضلع علی گڑھ کے ایک طرف گنگا بہتی ہے تو دوسری طرف سے یمنا۔ سیلاب کا خوف اب علی گڑھ میں بھی لوگوں کو ستانے لگا ہے۔

نرورا بیراج سے گنگا اور ہتھنی کنڈ سے یمنا ندی میں پانی چھوڑے جانے سے دونوں ہی ندیوں کی پانی سطح میں زبردست اضافہ ہوا ہے۔

تپپل بلاک کے پاس گاؤں مہاراج گڑھ اور شیئر گڑھ میں یمنا ندی کی سطح اتنی بڑھ گئی ہے کہ یہ خطرے کے نشان سے اوپر بہہ رہی ہے۔ تقریباً ایک ہزار بیگھہ سے زیادہ کسانوں کی فصل مکمل طور پر تباہ ہوگی ہے، گاؤں مہاراج گڑھ میں لوگ کشتیاں لے کر اپنی منزل تک پہنچتے ہے۔ ضلع انتظامیہ نے یمنا ندی کے مہاراج گڑھ اور شیئر گڑھ ملحقہ دیہات میں ہائی الرٹ کر دیاہے اور گاؤں میں سیلاب چوکی بھی بنائی ہے۔

ضلع انتظامیہ گاؤں کے لوگوں کو محفوظ مقام پر پہنچا رہا ہے۔ گاؤں شیئر گڑھ میں بھی سیلاب نے تعلیم کے مندر کو بھی اپنے گھیرے میں لے لیا ہے، گاؤں کے پرائمری اسکول میں دو فٹ سے زیادہ پانی کا سیلاب آگیا ہے ، جس سے تعلیم کے مندر کو مکمل طور پر درہم برہم کردیا ہے۔

گاؤں کے لوگوں کا کہنا ہے کہ انہیں ابھی تک کھاد اور دوائیاں مہیا نہیں کرائی ہے، صرف اہلکار گاؤں کا سیاحتی مقام کی طرح جائزہ لینے آتے ہیں اور کچھ کہے بغیر وہاں سے چلے جاتے ہیں۔