Dalit Sisters Found Hanging in Lakhimpur Kheri لکھیم پور کھیری میں دلت بہنوں کی جنسی زیادتی اور قتل کیس میں 6 گرفتار

پولیس نے بتایا کہ ملزمیں نے پہلے لڑکیوں سے دوستی کی اور پھر زیادتی کے بعد قتل کر دیا۔ تمام ملزمان آپس میں دوست ہیں۔ Dalit Sisters Found Hanging in Lakhimpur Kheri

لکھیم پور کھیری: بدھ کے روز ضلع میں نابالغ دلت بہنوں کی لاشیں ایک درخت سے لٹکی ہوئی پائی گئیں۔ اس معاملے میں خاندان کے افراد کی شکایت پر قتل، جسنی زیادتی اور پوکسو ایکٹ کے تحت ایف آئی آر درج کی گئی ہے۔ لواحقین نے ایک نامزد اور تین نامعلوم نوجوانوں پر دونوں بہنوں کو اغوا کرکے زیادتی کے بعد قتل کرنے کا الزام لگایا ہے۔ فی الحال موقع پر پہنچی پولیس معاملے کی جانچ کر رہی ہے۔ اہل خانہ نے ایک نامزد اور تین نامعلوم نوجوانوں پر دونوں بہنوں کو اغوا کرکے زیادتی کے بعد قتل کرنے کا الزام لگایا ہے۔ آئی جی لکشمی سنگھ نے جائے واردات کا باریک بینی سے معائنہ کیا۔ واردات کو انجام دینے والے چاروں ملزم نوجوانوں کو بھی پولیس نے حراست میں لے لیا ہے۔ پولیس ان سے پوچھ گچھ کر رہی ہے۔ Dalit Sisters Found Hanging in Lakhimpur Kheri

پولیس نے اس سلسلے میں 6 لوگوں کو حراست میں لیا ہے۔ پولیس نے پریس بتایا کہ ملزمین نے پہلے لڑکیوں سے دوستی کی اور پھر زیادتی کے بعد قتل کر دیا۔ تمام ملزمان آپس میں دوست ہیں۔ ملزمان نے شواہد مٹانے کی کوشش بھی کی۔

اے ڈی جی لاء اینڈ آرڈر پرشانت کمار نے کہا کہ دونوں لاشوں کا پوسٹ مارٹم تین ڈاکٹروں کی ٹیم کررہی ہے۔ پوسٹ مارٹم کی ویڈیو گرافی کی جا رہی ہے۔ آئی جی لکھنؤ رینج لکشمی سنگھ کو موقع پر بھیجا گیا ہے۔ اہل خانہ سے موصولہ تحریر کے مطابق ایف آئی آر درج کر لی گئی ہے۔

بتادیں کہ بدھ کے روز نگاسن کوتوالی علاقے میں دو سگی بہنوں کی لاشیں درخت سے لٹکی ہوئی پائی گئیں۔ اہل خانہ نے موٹر سائیکل سواروں پر نابالغ لڑکیوں کو گھر سے اغوا کر کے قتل کا الزام لگایا ہے۔ فی الحال موقع پر پہنچی پولیس معاملے کی جانچ کر رہی ہے۔ ذرائع سے ملی اطلاع کے مطابق آئی جی لکشمی سنگھ بھی لکھنؤ لکھیم پور روانہ ہو گئی ہیں۔

ہلاک ہونے والی لڑکیوں میں سے ایک دسویں جماعت کی طالبہ ہے اور دوسری ساتویں جماعت کی طالبہ ہے۔ دونوں لڑکیوں کی ماں نے قریبی گاؤں کے تین لڑکوں پر اغوا کرکے قتل کرنے کا الزام لگایا ہے۔ لڑکی کی ماں کے مطابق تین موٹر سائیکل سوار لڑکے لڑکیوں کو گاؤں کے لے گئے۔

پرینکا گاندھی واڈرا نے ٹویٹ کیا، 'لکھیم پور (اتر پردیش) میں دو بہنوں کے قتل کا واقعہ دل دہلا دینے والا ہے۔ لواحقین کا کہنا ہے کہ ان لڑکیوں کو دن دیہاڑے اغوا کیا گیا تھا۔ امن و امان کی صورتحال پرریاست کی یوگی حکومت کو نشانہ بناتے ہوئے انہوں نے کہا، 'روزانہ اخبارات اور ٹی وی میں جھوٹے اشتہارات دینے سے امن و امان کی صورتحال ٹھیک نہیں ہوگی۔ یوپی میں خواتین کے خلاف گھناؤنے جرائم کیوں بڑھ رہے ہیں۔ حکومت کب جاگے گی؟

سماج وادی پارٹی نے دو نابالغ دلت بہنوں کی لاشیں ملنے کے واقعہ پر یوگی حکومت پر حملہ کیا ہے۔ سماج وادی پارٹی کے ٹوئٹر ہینڈل سے اس واقعہ کی تحقیقات کرانے کا مطالبہ کیا گیا ہے۔ اس کے ساتھ ہی خواتین کی حفاظت کو لے کر سی ایم یوگی کے دعوے کو بھی کھوکھلا بتایا ہے۔ سماج وادی پارٹی نے ٹویٹ کرکے اس واقعہ کی اعلیٰ سطحی تحقیقات اور قصورواروں کو سخت سے سخت سزا دینے کا مطالبہ کیا ہے۔

وہیں عآپ لیڈر سنجے سنگھ نے کہا، 'لکھیم پور کھیری میں دل دہلا دینے والا واقعہ، دلت سماج کی دو بچیوں کی لاشیں پھندے پر لٹکی ہوئی ملی ہیں۔ لواحقین ان پر بے رحمانہ قتل کا الزام لگا رہے ہیں۔ لوگ اس واقعہ کے خلاف سڑکوں پر نکل آئے۔ یہ واقعہ آدتیہ ناتھ کے بیٹی بچاؤ نعرے کو بے نقاب کر رہا ہے۔