دلت نوجان کے قتل کے خلاف بہوجن ایکتا سنگھرش سمیتی کا احتجاج

دلت نوجوان کے قتل کے خلاف بہوجن ایکتا سنگھرش سمیتی کے کارکنان نے احتجاجی مظاہرہ کرتے ہوئے حکومت سے معاوضے کا مطالبہ کیا۔

ریاست اترپردیش کے ضلع مظفرنگر کے کلیکٹریٹ میں بہوجن ایکتا سنگھرش سمیتی کے کارکنان اور عہدیداروں نے ملک میں ہورہے دلتوں پر حملے اور سنگھو بارڈر پر ایک دلت نوجوان کا بہیمانہ قتل کیے جانے کے خلاف آج مظاہرہ کیا اور ایک میمورینڈم صدر جمہوریہ کے نام ضلع انتظامیہ کو سونپا۔

مظاہرین نے کہا کہ دلت مظالم اپنے عروج پر ہے، چاہے وہ گزشتہ برس ہاتھ رس کی بیٹی کا بے رحمی سے قتل کرنا ہو یا پھر راجستھان میں، یا حال ہی میں سنگھو بارڈر پر حیوانیت کی حدیں پار کر دینے والا واقعہ ہو۔ جہاں دلت نوجوان لکھبیر سنگھ کا ہاتھ کاٹ کر اس کا بے رحمی سے قتل کردیا گیا۔

اس بہیمانہ قتل کا ہم اور ہماری تنظیم و دلت معاشرے کے لوگ شدید مذمت کرتے ہیں۔ ہم مطالبہ کرنا چاہتے ہیں کہ دلت مقتول نوجوان کے اہل خانہ کو 50 لاکھ روپے کا معاوضہ دیا جائے اور اس کے اہل خانہ میں سے ایک کو سرکاری ملازمت دی جائے اور اس قتل میں ملوث قصورواروں کے خلاف سخت کارروائی کی جائے۔