بنارس ڈی ایم کی انوکھی پہل، سائیکل ریلی سے عوام کو بیدار کیا

ریاست اترپردیش کے شہر بنارس کے سگرااسٹیڈیم سے آج صبح ڈسٹرکٹ مجسٹریٹ کوشل راج شرما نے سائیکل ریلی کا افتتاح کیا۔ جس میں ہزاروں طلباء وطالبات نے شرکت کی۔

ڈی ایم کوشل راج شرما نے صحافیوں سے بات کرتے ہوئے کہا کہ بنارس کی سڑکیں کی تنگ ہیں اس لیے بنارس کے عوام سے اپیل ہے کہ وہ سائیکل کا استعمال کریں۔ جس سے نہ صرف فضائی آلودگی میں کمی واقع ہوگی بلکہ جسمانی ورزش کے لیے بھی کافی مفید ہے۔

انہوں نے کہا کہ سائیکل چلانے سے نہ صرف انسان اپنا پیسہ بچا سکتا ہے ۔بلکہ جسمانی صحت کے اعتبار سے بھی مضرب عمل ہے۔ یہی وجہ ہے کہ آج سائیکل ریلی کا اہتمام کیا گیا ہے۔ اس کا مقصد یہ ہے کہ لوگ سائیکل چلانے کی جانب متوجہ ہوں۔

انہوں نے کہا کہ کہ یہ بیداری مہم جاری رہے گی اور کوشش یہ ہوگی کہ میراتھن سطح پر مقابلہ جاتی ریلیاں منعقد کرائی جائیں تاکہ زیادہ سے زیادہ طلباء و طالبات اس میں شرکت کر سکیں اور سائیکل چلانے کی جانب عوام کا زیادہ سے زیادہ رجحان ہو۔