ریاست اترپردیش میں ہردوئی ضلع کے ایم ایل سی کانتی دیوی الیکشن کے پیش نظر ووٹرس سے ووٹ مانگنے پہنچی تھی، اس دوران انہوں نے ہردوئی میں تمام طرح کے ڈویلپمنٹ کئے جانے کا دعویٰ کیا۔
انہوں نے کہا کہ ان کے دائرے میں آنے والے سات اضلاع میں سب سے زیادہ کام انہوں نے ہردوئی ضلع میں ہی کیا ہے کیونکہ وہ اس ضلع سے تعلق رکھتی ہیں اور یہاں سے ان کو سب سے زیادہ ووٹ ملتا ہے۔
اس دوران کانتی سنگھ سے ای ٹی وی بھارت کے نامہ نگار نے سوال کرتے ہوئے پوچھا کہ ”ہردوئی کے ڈسٹرکٹ مجسٹریٹ کا نام کیا ہے”یہ سوال سنتے ہیں ایم ایل سی كانتی سنگھ خفا ہو گئیں حالانکہ بعد میں ان کے شوہر سابق ایم ایل سی ایس پی سنگھ نے ان کا بچاؤ کیا۔
ایسے میں سوال اٹھتا ہے کہ موجودہ ایم ایل سی کو جب ڈی ایم کا نام ہی پتا نہیں ہے تو ضلع کا ڈیولپمنٹ انہوں نے کس افسر سے کرایا تھا اور کس کے سہارے وہ ہردوئی کے تمام کاموں کو انجام دیتی ہیں