لکھنؤ: ہنر ہاٹ میں ثقافتی پروگرام توجہ کا مرکز

24 ویں ہنر ہاٹ کا انعقاد 'ووکل فار لوکل' تھیم کے ساتھ لکھنؤ میں ہوا۔ وزیر اعلی یوگی آدتیہ ناتھ اور مختار عباس نقوی نے ہنر ہاٹ کا افتتاح کیا۔ 22 جنوری سے 4 فروری تک چلنے والا ہنر ہاٹ اب 7 فروی کو اختتام پذیر ہو گا۔ یہاں پر ملک کے سبھی ریاستوں سے ہنر مند آئے ہوئے ہیں۔

اتر پردیش کے دارلحکومت لکھنؤ کے اودھ شلپ گرام میں 24 واں ہنر ہاٹ لگا ہے۔ ہنر ہاٹ 4 فروری کو ختم ہونا تھا لیکن بہتر نتائج ملنے پر اسے 7 فروری تک کے لئے بڑھا دیا گیا ہے۔

اس ہنر ہاٹ میں ملک سے 500 ہنر مند آئے ہیں، جو اپنا سٹال لگائے ہوئے ہیں۔ ہنر ہاٹ میں ملک کے نامور فنکاروں کی جانب سے ہر روز مختلف ثقافتی پروگرام توجہ کا مرکز ہیں۔

ہر شام معروف فنکاروں کے 'آتم نربھر بھارت' تھیم پر موسیقی کے پروگرام ہو رہے ہیں۔ امندیپ سنگھ، سجاتا شرما اور شیبانی کشیپ نے اپنے نغموں سے محفل میں چار چاند لگا دیا۔