اترپردیش: تصادم کے دوران ملزم گرفتار

ریاست اترپردیش کے ضلع سہارنپور میں ڈاکٹر سے ناجائز وصولی (رنگداری) کا مطالبہ کرنے والے ملزم کو تصادم کے دوران گرفتار کرنے کا دعویٰ کیا گیا ہے۔

بدمعاشوں کے درمیان مورا گاؤں کے جنگل میں ہونے والے تصادم کے بعد پولیس نے ایک پستول اور موٹر سائیکل برآمد کیا ہے۔

ایس پی دیہات ودھیا ساگر مشرا نے کہا کہ روٹین چیکنگ کے دوران موٹر سائیکل سوار دو افراد سے رکنے کو کہا گیا تو موٹر سائیکل سوار جنگل کی طرف فرار ہونے لگے تبھی پولیس نے ان کا پیچھا کیا۔

بدمعاشوں نے پولیس پر فائرنگ کی، پولیس نے جوابی کارروائی میں ایک بدمعاش بابر عارف زخمی ہوا اور ایک فرار ہوگیا۔

پولیس فرار ملزم کی تلاش میں ہے۔انہوں نے بتایاکہ جو بدمعاش گرفتار ہوا ہے یہ وہی ہے جو ڈاکٹر سے رشوت مانگ رہا تھا۔

جو ملزم بابر ولد عارف گرفتار ہے وہ 25 ہزار روپے کا انعامی ملزم ہے۔