ایک اندازے کے مطابق حالیہ بارش سے ضلع علی گڑھ کے 9125.99 ہیکٹر رقبے میں دھان کی فصل کو نقصان ہوا ہے۔ سروے کے مطابق سب سے زیادہ نقصان اگلاس اور خیر تحصیل کے علاقے کے کاشتکاروں کو ہوا ہے۔
ضلع انتظامیہ نے سروے کے بعد بارش کی وجہ سے فصلوں کے نقصان کی رپورٹ تیار کی ہے۔ سروے رپورٹ کے مطابق کسانوں میں 12 کروڑ 90 لاکھ 9 ہزار 307 کا معاوضہ کسانوں میں تقسیم کیا جائے گا۔ سبھی کسانوں کو 13500 فی ہیکٹر کے حساب سے معاوضہ ملے گا۔ ضلع افسر نے رپورٹ حکومت کو بھجوادی ہے۔
ڈسٹرکٹ ایگریکلچر آفیسر رام پراویش پٹیل نے بتایا
موسلادھار بارش اور ہوا سے دھان کے ساتھ ساتھ آلو کی فصل کو بھی نقصان ہوا ہے۔ اس وقت دھان کی فصل کٹائی پر تھی تقریباً 40 فیصد فصل کٹ چکی تھی اور کہیں کہیں 60 فیصد بھی فصل کٹ چکی تھی۔ ہمارے افسر فصل بیمہ یوجنا کے تحت کسانوں کے ہوئے نقصان کا فارم بھروایا رہے ہیں۔
کسانوں کے دعویٰ کے مطابق ہم پلاٹ پر جاکر سروے کریں گے کہ ان کا کتنا نقصان ہوا ہے اسی کے مطابق ان کو معاوضہ دلوایا جائے گا۔ کل فصل کی قیمت میں سے جتنا فیصد نقصان ہوا ہے اسی کے مطابق انہیں معاوضہ دیا جائے گا'۔
