میرٹھ: پولیس تصادم میں انعامی بدمعاش ہلاک

ریاست اترپردیش کے ضلع میرٹھ میں سرورپور علاقے میں تصادم کے دوران ڈیڑھ لاکھ روپے کا انعامی بدمعاش سنجیو عرف پکوڑی مارا گیا جبکہ اس کے تین ساتھی فرار ہونے میں کامیاب رہے۔

پولیس نے بتایا کہ مغربی اترپردیش کے میرٹھ میں ڈیڑھ لاکھ روپے کا انعامی سنجیو عرف پکوڑی سرور پور واقع ككّے پور کے جنگل میں تصادم کے دوران مارا گیا۔ انہوں نے بتایا کہ سرور پور کا رہنے والا سنجیو نے برس 2012 میں گاؤں میں گرام پردھان نيٹو کو قتل کیا تھا۔ اس کے بعد نيٹو کی بیوی کویتا نے اپنے دیور پرویندر سے شادی کر لی تھی۔ سنہ 2015 میں کویتا گرام پردھان بن گئی تھی۔ دو برس بعد 2017 میں سنجیو نے پرویندر کو بھی قتل کر دیا تھا۔ اس کے بعد سے سنجیو گرام پردھان کویتا کو قتل کرنے کے موقعے تلاش کر رہا تھا۔
انہوں نے بتایا کہ یہ بدمعاش اپنے تین ساتھیوں کے ساتھ گرام پردھان کویتا کو قتل کرنے کے ارادے سے گاؤں پہنچا اور کویتا پر گولی چلا دی۔ وہاں موجود کویتا کے سکیورٹی گارڈ نے جوابی فائرنگ کی اور سنجیو اپنے ساتھیوں کے ساتھ موٹر سائیکل پر جنگل کی جانب فرار ہوگیا۔ اطلاع پر سرورپور تھانہ انچارج ستیش کمار نے پولیس فورس کے ساتھ ككّےپور کے جنگل میں محاصرہ کرکے بدمعاشوں کو گھیر لیا۔ خود کو گھیرے میں آتا دیکھ کر بدمعاش پولیس پر گولی چلاتے ہوئے بھاگنے لگے۔
بدمعاشوں کی گولی تھانہ انچارج ستیش کی بلٹ پروف جیکٹ پر لگی۔ اس پر خود کو بچاتے ہوئے پولیس نے گولی چلائی جو سنجیو کے سینے میں لگی اور وہ ہلاک ہو گیا۔ اس دوران اس کے تین ساتھی فرار ہونے میں کامیاب ہوگئے۔ موقع سے دو بندوقیں، دوطمنچے، ایک پستول اور بڑی تعداد میں کارتوس برآمد کیے گئے ہیں۔
پولیس اہلکار کے مطابق سنجیو عرف پکوڑی پر میرٹھ، باغپت اور غازی آباد میں 12 سے زائد قتل اور دیگر معاملے درج تھے۔ اس کی گرفتاری پر میرٹھ پولیس نے ایک لاکھ، باغپت کے چھپرولی علاقے میں دوہرے قتل میں 25 ہزار اور غازی آباد کے بھوجپور میں قتل کے معاملے میں 25 ہزار روپے کے انعام کا اعلان کیا گیا تھا۔ پولیس فرار بدمعاشوں کو تلاش کر رہی ہے۔