Mukhtar Ansari Gets Bail گینگسٹر کیس میں مختار انصاری کو الہ آباد ہائی کورٹ سے ضمانت ملی

گینگسٹر کیس میں مختار انصاری کو الہ آباد ہائی کورٹ سے ضمانت مل گئی ہے۔ اس پر مختار انصاری کے وکیل نے خوشی کا اظہار کرتے ہوئے کہا کہ انہیں قانون پر پورا بھروسہ ہے۔

پریاگ راج: گینگسٹر معاملے میں جیل میں بند مافیا مختار انصاری کو آج ضمانت مل گئی ہے۔ الہ آباد ہائی کورٹ نے ان کی درخواست ضمانت منظور کر لی ہے۔ ساتھ ہی ہائی کورٹ نے ان پر عائد جرمانے پر بھی روک لگا دی ہے۔ تاہم مختار کی سزا پر ہائی کورٹ میں سماعت جاری رہے گی۔ ہائی کورٹ نے 20 ستمبر کو اس معاملے میں اپنا فیصلہ محفوظ رکھا تھا۔

غور طلب ہے کہ 29 اپریل کو مختار انصاری کو غازی پور کے ایم پی-ایم ایل اے کی عدالت نے گینگسٹر کیس میں قصور وار پایا تھا۔ انہیں دس سال قید اور جرمانے کی سزا سنائی گئی تھی۔ اس فیصلے کو مختار انصاری کے وکیل کی جانب سے الہ آباد ہائی کورٹ میں چیلنج کیا گیا تھا۔

مختار انصاری کے وکیل اوپیندر اپادھیائے نے ہائی کورٹ میں سرٹیفکیٹ داخل کیا تھا۔ انہوں نے عدالت کو بتایا تھا کہ مختار انصاری 12 سال 4 ماہ سے جیل میں ہیں۔ وکیل کا موقف تھا کہ مقدمے کی سماعت کے دوران مختار انصاری کو ان سے زیادہ سزا ہوئی ہے۔ اس معاملے میں عدالت نے جیل سپرنٹنڈنٹ سے بھی رپورٹ طلب کی تھی۔ یہ رپورٹ جیل سپرنٹنڈنٹ نے عدالت میں جمع کرائی۔ اس معاملے میں ہائی کورٹ نے مختار انصاری کی ضمانت کی درخواست منظور کر لی ہے۔ تاہم مختار کی سزا پر سماعت جاری رہے گی۔