کرائم برانچ کی ٹیم نے دو چوروں کو گرفتار کیا

سہارنپور میں کرائم برانچ کی ٹیم کی جانب سے چوری کے خلاف جاری مہم کے تحت آج دو چوروں کو گرفتار کیا گیا۔

اترپردیش کے ضلع سہارنپور میں چوروں کے خلاف چلائی جارہی گرفتاری مہم کے تحت آج کرائم برانچ کی ٹیم نے دو شاطر چوروں کو گرفتار کیا ہے۔

گرفتار کئے گئے چور، 16 فروری کو اوسس ہوٹل کے پاس ایک خاتون سے اس کا پرس چھین کر فرار ہوگئے تھے۔ تبھی سے ان تمام چوروں کو گرفتار کرنے کے لئے پولیس مسلسل کارروائی کررہی تھی۔

پولیس نے ان چوروں کے پاس سے ایک موٹر سائیکل دو چاقو، خاتون کا پرس، متعدد زیورات اور سات ہزار نقد برآمد کئے ہیں۔

اس ضمن میں سٹی ایس پی ونت بھٹناگر نے کہا کہ گزشتہ 16فروری کو ایک خاتون سے پرس چھین کر گرفتار کئے گئے سبھی چور فرار ہوگئے تھے، اس معاملے میں پولیس نے کارروائی کرتے ہوئے آج سبھی چوروں کو گرفتار لیا ہے۔

ایس پی نے بتایا کہ گرفتار کئے گئے سبھی چور پہلے بھی چوری کے الزام میں جیل جاچکے ہیں اور ان پر متعدد مقدمات بھی پہلے سے درج ہیں۔

فی الحال گرفتار سبھی چوروں پر ایف آئی آر درج کرکے جیل بھیج دیا ہے۔