غریب طلباء کی تعلیم کے لیے نئے پروگرام کا آغاز

گونڈا ضلع کا ایک پروگرام 'ہم نے سیکھا'  اس وقت پوری ریاست میں بحث کا موضوع بنا ہوا ہے، وزیراعلیٰ یوگی آدتیہ ناتھ نے بھی اس کی پذیرائی کی ہے۔

ضلع گونڈا کے ایک استاذ راکھا رام گپتا کے توسط سے پروگرام 'ہم نے سیکھا' ان کے اسکول میں شروع کیا گیا ، جو ابتدائی تعلیم کے طلباء کے لیے بہت ہی مفید ثابت ہو رہا ہے۔

اس خصوصی پروگرام میں طلباء کو پڑھنے والے مضامین کی مکمل تفصیل دینا مقصد ہے۔ اسے یکم جولائی سے شعبۂ بنیادی تعلیم کے ذریعہ پورے ضلع میں جاری کیا جائے گا۔

وہیں ضلع میں وزیر برائے بنیادی تعلیم انوپما جائسوال کو جب اس پروگرام کی معلومات ہوئی، انھوں نے اس کی خوب ستائش کی اور وعدہ کیا کہ جلد ہی اسے پورے صوبے میں جاری کیا جائے گا۔
وہیں وزیر اعلیٰ یوگی آدتیہ ناتھ نے بھی اس کی ستائش کی۔