اتر پردیش کے کئی اضلاع میں دیوالی کے موقع پر لگنے والے پٹاخا بازار پر پابندی لگادی گئی ہے۔
یہ پابندی این جی ٹی کورٹ کے حکم پر لگائی گئی ہے، این جی ٹی عدالت کا یہ حکم ہے کہ جن شہروں میں آلودگی کا گراف لگا تار بڑھ رہا ہے، وہاں دیوالی کے اس موقع پر 9 نومبر سے 30 نومبر تک کہیں پر بھی پٹاخا بازار لگانے کی اجازت نہیں ہے۔
مرادآباد میں ہر سال لگنے والے ہٹاخا بازار دوکانداروں نے ڈی ایم راکیش کمار سنگھ کو ایک میمورنڈم سونپا ہے جس میں لکھا گیا ہے کہ سبھی دوکاندار ٹیمپریری لایسینس لیکر آتش بازی بیچتے آرہے ہیں لیکن رواں سال اچانک آتش بازی کی دوکانوں پر پابندی لگائے جانے سے دوکانداروں کو بھاری نقصان ہوا ہے'۔
یہ بھی پڑھیے
بی جے پی کے اقتدار میں صحافیوں کا قتل کیا جارہا ہے: راہل
دوکانداروں نے مانگ کرتے ہوئے کہا 'ہمیں دیوالی کے اس موقع پر پٹاخا دوکانیں لگائے جانے کی اجازت دی جائے کیونکہ ہم دوکانداروں نے 15 دن پہلے سے ہی پٹاخے خرید رکھے ہیں، خریدا ہوا مال اگر نہیں بکا تو ہمیں کو بھاری نقصان ہوگا'۔
