کمیونسٹ پارٹی کا دعویٰ ہے کہ نئے زرعی قانون کی وجہ سے کسانوں کی فصل کم قیمت پر خرید کر ذخیرہ اندوزی کی جا رہی ہے۔
کمیونسٹ پارٹی آف انڈیا کا احتجاج
نئے زرعی قانون سے ذخیرہ اندوزی میں اضافہ: سی پی آئی کا دعوی
ریاست اتر پردیش کے ضلع بارہ بنکی میں کمیونسٹ پارٹی آف انڈیا (سی پی آئی) کی کسان تنظیم اکھل بھارتیہ کسان سبھا کی جانب سے نئے زرعی قانون کے خلاف ریلی نکالی گئی اور میمورنڈم دیا گیا۔
image
سی پی آئی کے کارکنان نے چھایا چوراہے پر واقع ضلع دفتر سے ریلی نکالی اور یہ ریلی پولیس لائن چوراہا، پرانا بس اسٹاپ، پٹیل تراہے ہوتے ہوئے کلکٹریٹ پہونچی۔ جس کے بعد کارکنان نے ایڈیشنل مجسٹریٹ کو میمورنڈم دیا۔
اس موقع پر کمیونسٹ پارٹی کے ریاستی کونسل کے رکن رندھیر سنگھ سمن نے کہا کہ نئے زرعی قانون کے نافذ ہونے سے کسانوں کی فصل خرید پر کافی اثر پڑا ہے کیونکہ اس قانون کی وجہ سے کسانوں کی فصل کی قیمت کم ہو گئی ہے، کسان ذخیرہ اندوزی کرنے والوں کو کم قیمت پر فصل فروخت کر رہے ہیں جس کے بعد یہی ذخیرہ اندوز عوام لوگوں کو زیادہ قیمت پر فروخت کریں گے۔