میرٹھ: ڈی ایم اور ایس ایس پی کو لگایا گیا کورونا کا ٹیکہ

ملک میں کورونا ٹیکہ کاری مہم کے پہلے مرحلے میں ہیلتھ ورکرز کو ٹیکہ لگایا گیا۔ اس کے ساتھ ہی مختلف شعبوں سے تعلق رکھنے والے افراد کو ٹیکہ لگانے کی مہم جاری ہے۔ آج میرٹھ ضلع انتظامیہ کے ساتھ محکمہ پولیس کے اعلیٰ افسران نے بھی کووڈ کا ٹیکہ لگوا کر عوام میں ٹیکہ کے حوالے سے پھیلی افواہوں کا ازالہ کرنے کی بھی کوشش کی۔

ملک میں کورونا کی ٹیکہ کاری مہم کو مزید آگے بڑھاتے ہوئے میرٹھ کے ضلع مجسٹریٹ اور ایس ایس پی نے ٹیکہ لگوا کر عوام میں پھیلی افواہوں کا ازالہ کرنے کی کوشش کی۔

ساتھ ہی ملک گیر سطح پر چل رہے کورونا ویکسینیشن کی کامیابی پر میرٹھ ڈی ایم نے سبھی ڈاکٹرز کو مبارک باد پیش کی اور ٹیکہ سے کسی طرح کے نقصان نہ ہونے کی بات بھی کہی۔

ملک میں کورونا ٹیکہ کاری مہم کی شروعات سے مختلف قسم کی افواہیں سرگرم رہی ہیں۔ میرٹھ کے ڈی ایم نے محکمہ پولیس اور ضلع انتظامیہ کو لگائے گئے ٹیکہ پر سوالیہ نشان لگانے والوں کو بھی جواب دیتے ہوئے کہا کہ یہ ٹیکہ مکمل طور پر محفوظ ہے اور جن لوگوں کو ٹیکے لگے ہیں وہ سب محفوظ ہیں۔