covid emergency scheme: میڈیکل انفرااسٹرکچر کو درست کرنے کے لئے ریاستی حکومت مستعد

کووڈ 19 کی دوسری لہر میں ہوئے طبی بحران اور بدنظمی جیسے حالات آئندہ پیش نہ آئیں، اس کے لئے ریاست کی یوگی حکومت مستعد ہو گئی ہے۔ ریاستی حکومت نے اس کے پیش نظر میڈیکل انفرااسٹرکچر کو درست کرنے کی سمت کام کرنا شروع کر دیا ہے۔ اس کے لئے حکومت نے کووڈ ایمرجنسی اسکیم covid emergency scheme کی شروعات کی ہے۔

کووڈ ایمرجنسی اسکیم covid emergency scheme کے تحت کووڈ سے متعلق سامان بنانے والوں کے لئے 10 کروڑ روپے تک کے قرض کا انتظام کیا ہے جس پر سبسڈی بھی دی جائے گی۔

دراصل حکومت کی منشا ہے کہ آنے والے دور میں کسی بھی قسم کے حالات اور چیلینجز سے نمٹنے کے لئے وقت رہتے ہی تمام طرح کی تیاریوں کو مکمل کر لیا جائے۔ اس کے لئے ریاستی حکومت نے کووڈ ایمرجنسی اسکیم covid emergency scheme کی شروعات کی ہے۔

اس اسکیم میں آکسیجن پلانٹ، سلنڈر، بیڈ، وینٹی لیٹرز اور دیگر اشیاء بنانے کے لئے قرض دیا جا رہا ہے، جس میں 25 فیصد کیپٹل سبسڈی دی جائے گی۔

اس کے لئے خواہشمند افراد کو سیڈبی اور شیڈول کمرشل بینک میں درخواست دینی ہوگی۔ اس کے بعد ضلع ادیوگ کیندر پر ضلع مجسٹریٹ کی تجویز پر قرض مہیا کرایا جائے گا۔